Түүхэн замнал, онцлох үйл явдлууд

1926

  • Арьс өнгөний алба

    АРЬС ӨНГӨНИЙ АЛБА

    1926 онд Ардын эмнэлгийн харьяанд 50 ортой анхны арьс өнгөний тасгийг ажиллуулж эхэлсэн нь Монголд Арьс Өнгөний Алба анх үүсэж хөгжсөн гэж түүхэнд тэмдэглэгдсэн.

1936

1946

  • Арьс өнгөний больниц

    Арьс өнгөний больниц

    1946 онд "Ардын эмнэлэг"-ийн арьс өнгөний тасгийг бие даалган 1946 оны 09 сарын 20-ны СнЗ-ийн 61-р тогтоолоор Арьс өнгөний больниц болгон Гандангийн дэнж дэх Сүхбаатарын сургууль байсан байшинд 8 их эмчтэй, 30 нэгж орон тоотой , 150 ортойгоор анх ажиллуулж эхэлсэн нь АӨСТ-ийн үндэс суурь эхэлсэн гэж түүхэнд тэмдэглэн иржээ.

1956

1966

1976

  • Арьс өнгөний эмгэг судлалын нэгдсэн төв

    Арьс өнгөний эмгэг судлалын нэгдсэн төв

    1977 онд СнЗ -ийн 278-р тогтоолоор Арьс өнгөний эмгэг судлалын нэгдсэн төв байгуулагдсан. Арьс өнгөний эмгэг судлалын нэгдсэн төв нь Арьс өнгөний клинк, зөвлөх поликлинкээс тогтож, Арьс өнгөний клиник нь 310 ортой, 8 тасагтай, зөвлөх поликлинк нь 10-11 төрлийн нарийн мэргэжлийн кабинеттай ажиллаж байсан.Арьс өнгөний эмгэг судлалын нэгдсэн төв нь нийт 450 орчим орон тоотой ажиллаж байжээ.

1986

  • Арьсны өвчин судлалын төв

    Арьсны өвчин судлалын төв

    1994 онд СнЗ-ийн тогтоол дахин гарч манай клинкийн эмнэлэгт ажиллаж байсан Өнгөний тасгийг ХӨСҮТөвд төсөв, орон тооны хамт шилжүүлэн ДОХ, БЗХӨвчинтэй тэмцэх алба болгож Арьсны өвчнийг эмчлэх хэсгийг нь Арьсны Өвчин  Судлалын Төв Нэртэйгээр ЭМЯ-ны харъяанд оруулсан байна.

2006

  • Арьсны өвчин судлалын үндэсний төв

    Арьсны өвчин судлалын  үндэсний төв

    МУ-н засгийн газрын 2012 оны 07 сарын 04 ний өдрийн №231 тоот тогтоолоор Арьсны Өвчин Судлалын Үндэсний Төв болон өргөжин ажиллаж байна.2013 онд Эрүүл мэндийн салбарт ISO 9001:2008 MNS ISO 9001:2010 хэрэгжүүлэгч байгууллагаар, 2013 онд Эрүүл мэндийн салбарын загвар эмнэлгээр өргөмжлөгдсөн байна.

2016

      Тус эмнэлэг нь анх 1926 онд одоогийн улсын клиникийн төв эмнэлгийн дэргэд арьс өнгөний өвчнийг эмчлэх 50 ортой тасаг нэртэйгээр Зөвлөлт оросын эмч мэргэжилтний тусламжаар байгуулагдан ажиллаж эхэлсэн бөгөөд 1940 оны 10 дугаар сарыг хүртэл 1 дүгээр эмнэлгийн бүрэлдэхүүнд багтаж байсан юм.

     1930 онд 18 аймгийн төвийн больницуудад арьс өнгөний өвчтөнийг хэвтүүлэн эмчлэх ор ажиллуулж эхэлсэн. 1946 онд БНМАУ-ын Сайд нарын Зөвлөлийн 61 дүгээр тогтоолоор тэр үеийн төв эмнэлгийн дэргэд ажиллаж байсан арьс өнгөний өвчнийг эмчлэх тасгийг биеэ даасан эмнэлэг болгон 150 ортойгоор арьс өнгөний диспансертай нэгтгэж ажиллуулсан нь одоогийн Арьсны өвчин судлалын төвийн эх суурь болсон байна. Энэ үед нэгдсэн диспансер больницыг Зөвлөлтийн мэргэжилтэн эмч Т.И.Наружный зохион байгуулан удирдаж байжээ.

      1962 онд арьс өнгөний өвчтөнийг эмчлэх больницыг улсын арьс өнгөний диспансерийн бүрэлдэхүүнээс гаргаж бие даасан эмнэлэг болгон Улаанбаатар хотын Эрүүлийг хамгаалах газрын харъяанд шилжүүлэн ажилуулсан бөгөөд тус эмнэлэгийн ор 1964 оны 7 дугаар сараас 50 ороор нэмэгдэж,250 ортойгоор ажиллаж,энэ үеэс эхлэн арьсны халдвартай мөөгөнцөрт хамуу өвчтэй хүмүүсийг тусгаарлан хэвтүүлэн эмчлэх болж 1977 оныг хүртэл ажилуулсан байна

     1977 онд БНМАУ-ын Сайд нарын Зөвлөлийн 278 дугаар тогтоолоор Арьс өнгөний өвчнийг эсэргүүцэх Улсын диспансерыг Улаанбаатар хотын арьс өнгөний нэгдсэн диспансер больництой нэгтгэн Арьс өнгөний эмгэг судлалын нэгдсэн төв болгож, улсын хэмжээнд арьс өнгөний өвчинтэй тэмцэх ажлыг хариуцуулсан байна.

     1972 онд БНМАУ-ын Сайд нарын Зөвлөлийн 54 дүгээр тогтоолоор Улаанбаатар хотын АДХ-ын Гүйцэтгэх захиргаа, нийтийн аж ахуй үйлчилгээний газрын харъяанд ажиллаж байсан эмчилгээний гоо заслын үйлчилгээний тасгийг тус эмнэлэгтэй нэгтгэж ажиллуулснаар эрүүлийг хамгаалах системд эмчилгээний гоо засал гэсэн^шинэ нэр томъёог оруулж ирэн анагаах ухааны салбарыг зэх зээлийн эдийн засагт шилжих анхны үйлчилгээ нь болсон юм.

     1994 онд Эрүүл мэндийн сайд, Нийслэлийн Засаг дарга, Улаанбаатар хотын захирагчийн хамтарсан тушаалаар Арьсны өнгөний эмгэг судлалын нэгдсэн төвийн (АӨЭСНТ) өнгөний өвчтөнийг эмчлэх 50 ортой тасгийг орон тоо, багаж, тоног төхөөрөмжтэй нь хамт Халдвартын клиникийн эмнэлэгт нэгтгэж, арьсны клиникийн амбулаторийн хэсгийг стационартай нь нэгтгэн Арьсны өвчин судлалын төв болгон зохион байгуулсан байна.

  Одоо тус төв нь захиргаа, сургалт эрдэм шинжилгээний алба, стационарын 4 тасаг, Лабораторийн тасаг, Зөвлөх поликлиник , эмчилгээний гоо засал ,нөхөн сэргээх тасаг, , санхүү аж ахуй, эмийн сан, харьяа сувилал зэрэг нэгжүүдтэй ажиллаж байгаа бөгөөд их эмч 34, бага эмч 3, лаборант 7, сувилагч 30, эм зүйч 2, эм найруулагч 2, захиргааны туслах ажилчид 35 нийт 138 орон тоотойгоор улсын хэмжээнд арьс-харшил, эмчилгээний гоо заслын төрөлжсөн нарийн мэргэжлийн тусламж үйлчилгээ үзүүлэн, мэргэжлийн удирдлагын тогтолцоог бүрэлдүүлэн ажиллаж байна. 2003 оны 09 дүгээр сараас эхлэн сургалт эрдэм шинжилгээ эрхэлсэн албатай болж улсын хэмжээнд арьсны чиглэлээр мэргэшүүлэх сургалтыг явуулж байна.

   2004 оны 06 дугаар сарын 15-нд Нөхөн сэргээх эмчилгээний тасгаа өргөтгөн Хэнтий аймгийн Дэлгэрхаан суманд Аварга тосон сувиллыг 50 ортойгоор нээж, улирлын чанартай эмчилгээ үйлчилгээ явуулж байна. 2004 оны 8 дугаар сарын 16-наас эхлэн Харшил судлалын лаборатори нээн ажиллуулж байна.

  Тус төвд шинжлэх ухааны доктор,профессор 1, Анагаах ухааны доктор 3, клиникийн профессор 3, анагаах ухааны магистр 4, тэргүүлэх зэрэгтэй эмч 6, ахлах зэрэгтэй эмч-5, докторант 2, бакалавр зэрэгтэй сувилагч 3, ахлах зэрэгтэй сувилагч 6 ажиллаж байна.

      Холбоо барих:

    • Хаяг:Монгол улс Улаанбаатар хот
      Сүхбаатар дүүрэг Цагдаагийн гудамж 11,
      Утас:976-11-70135035 
      Фах:976-11-350254
      Цахим хаяг:
      dermat@mongol.net
      Вэб хуудас:
      www.dermatologycenter.gov.mn

    © 2015, Арьсны Өвчин Судлалын Үндэсний Төв